Hún er þó loksins örlítið farin að hreinsa sig. Síðastliðna 2 daga hefur verið fínt veður, 10 til 13 stiga hiti og vatnshitinn að hækka líka. Veiðin hefur þrátt fyrir það verið sérstaklega dræm. Allir hefðbundnir veiðstaðir gjörsamlega óþekkjanlegir og ómögulegt að finna bleikjuna og/eða sjóbirtinginn sem við vitum þó að nóg er af.
Eftir hádegi í gær duttu bæði Bjarnastaðakvörn og Hólakvörn inn og náðist að landa einum 18 sjóbirtingum sem voru vel vænir, jafnvel yfir 6 pund sumir. Einn hina vænu birtinga sleit taum hjá veiðimanni þannig sá þurfti auðvitað að skipta um taum, setti nýja flugu á og kastaði aftur - setti í birting og landaði rúmlega 6 pundara og endurheimti í leiðinni fluguna góðu sem birtingurinn hafði haft af honum skömmu áður. Já, sá birtingur lét lífið fyrir græðgina !
Bestu kveðjur úr dalnum,
Megi Laxinn Lifa
|
|